Indi niya man personal nga kilala ang kuntani mangin katapo sang Ateneo Blue Eagles nga si Rene Baterbonia pero natandog siya sang istorya sang basketball player nga isa ka rising star gani naka pamensar ang charcoal artist sang Cadiz City nga si Rogelio Agupasa sang Barangay Tiglawigan Cadiz City sang pinasahi nga pamaagi sa pagdumdom sa iya.
Indi lapis, indi charcoal kag indi man pinta ang gaingamit ni Rogelio.
Gamit ang Zonrox nga bleach kag black t-shirt, gin amat-amat niya pinta ang imahe sang napatay nga basketball player bilang iya pamaagi sa pagdumdom sa iya.
Nag trending ini online kag madamo sang luyag magbakal sang iya nga artwork. Pero gintago ini ni Rogelio. Indi niya ini luyag ibaligya pero bukas siya sa mga luyag magpa commission sa iya sang amo sini klase nga artwork.
Humalin pa sang elementary, hilig na ni Rogelio ang art kag ini na ang ginahimo niya sa sulod sang tatlo ka dekada.
Ini ang pamaagi ni Rogelio sa pag immortalize sa ginbilin nga legasiya ni Baterbonia. Nga bisan sin-o kag bisan diin ka pa halin pwede ka mangin successful sa pinili-an mo nga patag basta may determinasyon ugaling sa kaso ni Baterbonia, temprano pa katama ang iya nga pagtaliwan pero nag serbe siya nga inspirasyon sa mga kabataan.
[sibwp_form id=1]