Isa ka legitimate encounter ang natabo sa banwa sang Toboso kun sa diin 19 ang napatay. Ini ang pagpati ni Governor Eugenio Jose Lacson nga sa tunga sang panawagan sang pag pangusisa, nagsiling man nga para sa iya indi na kinahanglan ini.
Paathag sang gobernador wala man nagpatigayon ang Army sang amo nga operation kun wala naghatag sang impormasyon mismo ang komunidad.
Klaro nga ang mga pumuluyo sa lugar ang nagbulig sa tropa suno sa iya.
Wala niya na gina kwestion ang militar, tigaylo iya sila gina pasalamatan sa bulig kag sakripisyo nga gina hatag sini para mapabilin ang kalinong sa probinsya.
Humalin pa man sadto ang panawagan sa New People’s Army suno kay Lacson nga mag balik sa sabak sang Gobyerno. Dapat nga mahangpan sang rebeldeng grupo nga isa lang ang army sa pungsod kag ina ang Philippine Army.
May mga duso man karon nga pag pangusisa sa natabo nga engkwentro kaangay sang congressional inquiry. Nahangpan ni Lacson nga naga patigayon na sang pag pangusisa ang Commission on Human Rights.
Pero, sa iya nga bahin indi na siya mag panawagan pa para sa imbestigasyon bangud nagasalig siya sa militar kag lehitimo ang engkwentro nga natabo.
Sa pihak nga bahin ang Negros Association of Chief Executives sa isa ka pahayag ang nagakilala sa katungdanan sang Armed Forces of the Philippines sa pagpabilin sang kalinong sang palibot. Lubos sang Negros ACE gina suportahan ang rule of law kag ang lihok sang militar para sa peace kag stability.
Sila ang naga panawagan sa natungdan nga ipaagi sa contructive nga mga tikang ang issues angut sa social injustice kag inequality. Naga panawagan man sila sa komunidad nga pilion ang paghugpong, kaluoy kag ipaiway ang kalakasan kag pagtimalos.*
[sibwp_form id=1]