Digicast Negros

Gina pasalamatan sang siudad ang mga stores nga naga tanyag sang discount para sa fully vaccinated individuals

Ginadayaw kag ginapasalamatan karon sang katapo sang Bacolod Emergency Operation Center ang katapo sang private sector nga nagabulig indi lang sa kampanya kontra Covid-19 kundi pati man sa paghatag pribilihiyo sa mga fully vaccinated individual.

Ginakalipay ni Dr. Chris Sorongon, deputy for medical data and analysis, nga bisan ang mga mall kag iban pa nga mga commercial establishment sa siudad ang nagatanyag sang discount kag iban pa nga sahi sang pribilihiyo para sa mga fully vaccinated individual.

Ini magluwas nga may grupo man sang negosyante nga nagpamakal sang kaugalingon nga supply sang bakuna para sa ila mga empleyado kag ila mga himata.

Para kay Sorongon dako ini nga bagay para sa madasig nga pagbangon sang siudad batuk sa epekto sang Covid-19 pandemic.

Exit mobile version
Skip to toolbar