Bukol kag palanakit sang kalawasan ang naagom sang gin-alegar kawatan motor matapos siya ang nadakpan kag nakastigohan sang mga tawo sa isa ka gasolinahan sakop sang Barangay Taloc, Bago City sa Negros Occidental sang Martes, Oktubre 20.
Suno sa mga saksi, nabungguan pa sang lalaki ang aircon sa iya pagpalagyo.
Hana pa magdalagan ang lalaki apang nahingagaw siya dakop sang mga tawo.
Pahayag sang mga saksi, may isa pa gid ka upod ang lalaki apang nakapalagyo.
Ginsiling ni Police Lt. Col. James Latayon Jr., hepe sang Bago PNP, nakita sang utod sang tag-iya sang motor nga ginakuha sang lalaki ang motor.
Ginahulat pa karon sang Bago PNP ang birth certificate sang lalaki tungod nag-alegar ini nga siya dies y siete anyos pa lamang.
Gindala sa Bago PNP ang lalaki, nga taga banwa sang Pulupandan sa Negros Occidental.
“Mapasaka kaso ang complainant pero daw nagaduha-duha pa pero naka-prepare na ang documents in case ano man gid. Actually wala pa man gid clear nga record ang suspect, more on allegation lang, ulo-istorya nga nagapangawat siya. Hambal sang suspek 17 siya, check pa namon kung ano man gid ang edad niya. I-verify anay naton ang birth certificate niya para ma-klaro,” suno kay Latayon.*
[sibwp_form id=1]