Father and son tandem ang nag file sa siudad sang Bago.
Ang GoBago Team ang nag-file sang ila nga certificate of Candidacy, Hwebes sang Hapon sa pag panguna ni Vice Mayor Ramon “Monet” Torres bilang mayoralty candidate kag 4th District Board Member Andrew Martin Torres para naman sa pagka Vice Mayor.
Upod nila sa filing ang ila bilog nga slate.
Nalakip man sa mga naka file na amo sanday Sipalay City Mayor Maria Gina Lizares sa iya re-election, Hinobaan Mayor Daph Anthony Reliquias para sa iya man nga re-election bid, Don Salvador Mayor Nehemiah Joe de la Cruz para sa iya nga mayoralty bid.
Naga pabilin nga matawhay kag masulhay ang filing sang COCs sa bilog nga Negros Occidental.
Suno kay B/Gen Jack Wanky, nga nag bisita sa probinsya subong nga adlaw gina pasiguro man sang pulis nga ang ila personnel plastado sa pag pa pabilin sang kalinong sa filing sang COC karon.
Wala sang untoward incident nga na report sa nagligad nga tatlo ka adlaw suno sa iya.
Pagkatapos na sang COC filing kag ma pat-od man ang mangin political situation sa probinsya.
Natalana man ang pag porma sang JPSCC nga gina tapuan sang PNP, army, COMELEC nga maga assess sang sitwasyon kaangay sang presensya sang mga armado ukon mga private armed groups.