Ginkarga sa ambulansya ang duguon nga 16 anyos nga estudyante matapos mabungguan sang tricycke pasado las 6 kaina sang aga sa Bangga Paglaum Village, Barangay Mansilingan sa Bacolod.
Ginkilala ang estudyante nga si Alias Zian nga nag angkon sang mga pilas sa lawas kag ang driver sang tricycle ginkilala kay Rico Estrabela.
Naggwa sa imbestigasyon sang pulis nga nagatabok sa dalan ang estudyante para magsakay sa jeep sang nabungguan sang tricycle nga nagadalagan pakadto sa Murcia.
Ginrekta sa ospital ang estdyante para mapabulong samtang ginadala sa Police Station 7 ang driver.