Probinsya sang Negros Occidental ang may bag-o nga gin-assign nga Acting Provincial Elections Supervisor.
Ginsiling ni Provincial Elections Supervisor Atty Ian Lee Ananoria sang Lunes, Enero 10, nga siya ang gin re-assign sa Iloilo province tubtob nga matapos ang election period sa Hunyo 8. Si Aklan Provincial Election Supervisor Roberto Salazar ang na assign naman sa Negros Occidental – Comelec bilang Acting Elections Supervisor suno kay Ananoria.
May bag-o naman nga pamuno ang Negros Occidental PNP. Ginbuslan si Col. Romy Palgue ni Col Leo Pamittan nga Acting Director sadto sang Capiz Police Provincial Office.
Ginapasalamatan sang gobernador si Palgue sa iya nga nangin serbisyo.
Suno kay Governor Eugenio Jose Lacson makaduha ka beses nga nangin best provincial PNP station ang NOCPPO sang tion ni Palgue.
Nag courtesy call na kay Lacson si Pamittan. Ginalauman sang gobernador gikan kay Pamittan kag Salazar ang pagpatuman sang isa ka malinong kag masaligan nga piniliay.
Sa karon, ang Escalante City kag Moises Padilla mga ginakabig candidates bilang areas of concern sa Negros Occidental. Pero ginsiling ni Ananoria nga indi pa ini official.