Suno sa alkalde, ang pagbaha sang Lunes ang resulta sang mabunok nga ulan nga may dala nga 33.5 millimeters nga ulan, kag nag dugay sang kapin duha ka oras ang pagbubo.
Equivalent ini sa ulan sa sulod sang ka adlaw.
Ginpaathag sang alkalde nga indi normal ang kadamulon sang ulan gani may mga pagbaha nga gin report kag nag amat-amat man subside ang baha matapos ang ulan.
Dugang pa ni Mayor Gasataya, gin pa-check niya na ang mga drainage sa mga areas nga ginbaha sa City Engineer’s Office agud mahibaluan kun may problema ang drainage system sa mga apektado nga lugar.
Apang suno sa City Engineer’s Office, wala sang may nakita nga problema sa drainage system sa subong, kag ang madamol kag malawig nga pag-ulan ang nagtuga sang pagbaha.