Bacolod Emergency Operations Center nagpa athag nga wala sang may naga panukot kabaylo sang bakuna kag wala naga baton walk ins sa malls.
Suno sa kay Dr. Chris Sorongon nga amo ang deputy for medical data and analysis, mentras wala sang may gina hingadlan kun sino ang mga persona nga nagbayad para mabaknahan, magapabilin ini nga huring huring lang.
Suno sa kay Sorongon nga amo ang naga pamuno sang vaccination sa Ayala Capitol Central kag sa Robinsons Place Bacolod, wala sila naga pabayad sa pagpang bakuna amo man sa SM City.
Ini matapos nga may isa ka netizen nga nag post sa social media nga nagbayad sang tag 1,500 ang iya abyan para mabakunahan sa SM City.
Suno pa kay Sorongon, agud malikawan ang pag dinaguso sa mall wala sila naga baton sang walk ins.
Ang mga naka online registration ang gina patawag nga magkadto sa mall kay limitado lang man ang bakuna nga available.