Gin biktima kagab-i ang isa ka empleyado sang siyudad sang buka kotse nga nag luntad sa Circumferential Road malapit sa Bangga Cory sa Barangay Taculing sa Bacolod
Suno sa biktima nga si Mark Salanga, utod ni Konsehal Israel “Ising” Salangga, iya gin parking sa kilid sang dalan ang iya salakyan kagab-i kag sa iya pag balik nakita niya na lang na buka na ang bintana sa iya nga passenger seat.
Ang bag, sapatos kag mga bayo nga ginabulubanta naga balor sng 15 mil pesos ang nakuha sa iya.
Suno naman sa Police Station 6, ila na gina usisa kun sin-o ang yara sa likod sang pag buka sang bentana sang salakyan ni salanga agud ila siya matapna kag indi na liwat pa makapang biktima.
Wala sang kaantanan sa MassKara Festival ang natabo nga insidente kay layo na sa mga site sang selebrasyon.