Nakibot ang mga motorista kaina sang aga kun ngaa las sais pasado pa lang sang aga tuman na ka lawig sang pilahay sang mga salakyan sa Burgos Extension sa Purok Camingawan, Barangay Estefania sa Bacolod City.
Masami mga las siyete pa sang aga naga bumper to bumper ang mga salakyan sa sini nga area.
Sa unhan may natakluban nga bangkay sang tawo.
Siya ang e-tryk driver nga si Romulo Durable, 61 anyos.
Nabungguan siya sang SUV nga gina maneho naman ni Tristan Teruel.
Suno sa traffic investigator nga si Senior Master Sergeant Jun Garong, hinali na lang nga nagliko pawala ang e-tryk gani nabungguan ini sang naga sugata nga SUV.
Nagtabog ang driver sang e-tryk kag mahimo bangud sang impact, ini ang gintunaan sang iya nga kamatayon.
Gin detain naman sa Police Station 4 si Teruel.