Kaupod pa sang mag utod nga Kisha kag Kervin ang ila iloy sa pagbakal sang ice sa tiangge sa tabok lang sang ila puluy an sa Purok Sambag sa Barangay Alijis kagab-i.
Pero sa ila pagtabok balik sa dalan Circumferential gulpi lang nga nadalasa sang tricycle ang mag utod.
Suno sa tiyo sang mga tiyo, tuman ka dulom sang lugar matabo ang insidente amo nga wala nila mapat-inan kun ano nga tricycle kag kun sino ang drayber nga nalagylo kag wala man lang nag ulikid sa mga napilasan nga mag utod.
Gindala sa ospital ang mag utod. Ang walo ka tuig nga babaye ang nag angkon sang mga pilas sa butkon kag iban pa nga bahin sang lawas. Ang iya naman anum ka tuig nga manghud nga lalaki ang ginkinahanglan nga ma semento ang nabali nga nawala nga tiil. Wala sang ikasarang sa pagpabulong ang pamilya amo nga nagahinyo sila sa drayber nga magsungka.
Sa pagpang usisa sang katapo sang traffic section sang Police Station 7, padulong sa Barangay Handumanan ang tricycle nga nagaduag orange.
Sa tuman ka baskog sang pagkabunggo sa mga bata,nabilin sini ang nawasak nga body number nga amo karon ang ila na nga gina usisa agud mapat ud ang responsable sa kaso sang hit and run.