Sa ground breaking ceremony kag moa signing para sa construction sang Bacolod City General Hospital nagpasalig man si Senador Miguel Zubiri sang dugang nga P400M para mahuman kag mangin operational na ang ospital sa Barangay Vista Alegre sa tuig 2024.
Ginsiling ni Department of Health regional office 6 regional director Dr.Adriano Suba-an nga may P600m ang kabilugan nga kinahanglan agud magamit kag mangin operational na ang ospital.
Ang Teofilo M. Gensoli Sr. Medical Center ang iya ginakabig mangin gamechanger sa bahin sang healthcare program.
Ginsiling naman nanday Congressman Greg Gasataya kag Mayor Albee Benitez nga kabahin sa plano ang pagtukod sang dugang nga road network agud mangin accesible sa pumuluyo ang ospital.
Sa 4 hectare property nga gin donate sang pamilya Gensoli igatukod man ang Dietary building, morgue kag linen and laundry office.
Ang ceremonial groundbreaking kag moa signing ang gintambungan sang mga opisyales sang bacolod kag Negros occidental kag mga opisyales sang mga kabarangayan.