Ginatapos na lang sa karon sang DSWD ang pagpanagtag sang ayuda sa idalom sang Assistance to Individuals in Crisis Situation ukon AICS para sa mga tricyle driver kag maga sugod naman sila sa pagpanagtag sang ayuda sa mga drayber naman sang modern kag traditional jeepney, taxi, TNVS pati na delivery riders.
Ini ang ginpahayag ni DSWD-NIR Director Arwin Razo. Paathag ni Razo, P5,000 man ang mabaton sang sini nga mga drayber kag ginapaabot nga sa tunga-tunga sang bulan sang Mayo ini tigayon nga mapanagtag.
Paathag ni Razo maga base man sila sa listahan nga ipagwaon sang LTFRB sa pagpili sang mga drayber nga makabaton sang ayuda.
Sa bilog nga NIR, may kapin sa 8,000 ang magabaton sang ayuda kag kalabanan diri mga taga Negros Occidental.*
[sibwp_form id=1]