Pilason ang pickup kag motorcycle driver matapos nga magbungguanay Martes sang aga.
Natabo ang insidente sa highway sang Barangay Jilocon, San Jose, Negros Oriental. Parehos sila nga maga padulong sa Dumaguete City.
Base sa dashcam video nga nakuha sang pulis, ang pickup kag motor ang naga dalagan sa parehos nga direksyon sang hinali na lang nga nagpahigad ang pick up kag nag bunggo sa motor.
Negros Oriental Police Provincial Office Spokesman Police Lt. Stephen Polinar ang nagsiling nga pilason ang duha ka mga driver.
May nadalasa man nga store ang pickup.
Naga areglohanay na ang pamilya sang suspek kag biktima.
Natukiban nga gin atake sang mataas nga high blood pressure ang driver sang pickup kag nadulaan animo samtang naga drive gani iya nalab-ot ang motor kag ang baligyaan.