Matapos ang pito ka bulan nga pag request sang dredging machine tigayon na gid man nga naka hulam sang equipment ang Victorias City sa Department of Public Works and Highways.
Kaina sang aga ginpatigayon ang seremonya para sa maintenance dredging program sang DPWH.
Suno sa kay Victorias City Mayor Frederick Wantan Palanca, madugay na ini nila nga gina hulat bangud kinahanglan na nga ma hawanan ang mga suba nga amo ang isa sa mga nakita nga rason sa pagbaha sa Victorias City
Suno sa DPWH, dako ang ulubrahon nga maintenance work sa Victorias gani medyo malawig lawig ang ini nga trabahao. May mga suba kuno nga ang bukana sang suba ang may isla na nga nagtuhaw.
Suno kay Third District Congressman Kiko Benitez, unahon lang anay ang Victorias kag maga sunod ang iban nga LGU sa Third District. Kabahin ini sa gin istoryahan sang kahapon sa pagsapul sang mga LGU, DPWH, DENR kag disaster teams.
Enero uno ginbaha ang Victorias, Silay, Talisay kag EB Magalona. Pila sa mga rason nga nakita amo ang pagbaha sa kabukiran bangud wala na sang puno sang kahoy, ang pag nabaw sang mga suba kag may mga sablag nga pamalay kag basura sa mga waterways.