Covid-19 vaccination para sa medical frontliners nga nalakip sa A1 category ang nagsobra na sa 110 porsyiento.
Tiglumapaw na ang kadamuon sang nabakunahan nga mga medical frontliners pinaagi man sa masupog nga Covid-19 mass vaccination program sang Bacolod.
Pwede na kuntani maka-rekta sa A4 category ang Bacolod Emergency Operation Center, ugaling bangud man sang delay sa pag-abot sang supply sang Covid 19 vaccine.
Luyag sang Bacolod nga ipasulabi ang natalana nga supply sang bakuna para sa second dose sang mga nabakunahan na.
Masobra sa nubenta mil nga katapo sang katapo sang business sector nga nalakip sa A4 category ang naka pa rehistro na para kuntani sa vaccination.
Suno kay Dr. Edwin Miraflor, officer in charge sang City Health Office, ila na lamang ginapaabot ang delivery sang kapin 20 mil ka doses sang AstraZeneca vaccines nga gin-advance purchase sang siudad upod sa dugang nga supply gikan sa national government para mas mapadasig ang Covid-19 vaccination.
May 71,972 na ang na administer nga Covid-19 vaccine sang Bacolod, masobra sa dose mil diri ang fully vaccinated na.