Department of Health ang nagsulat sa probinsya nga nagahinyo nga lantawon ang posibilidad nga tugutan ang Corazon Locsin Montelibano Memorial Regional Hospital nga maga manage sang ospital sang probinsya sa Sipalay bilang annex facility.
Si DOH Negros Island Region Director, Dr Nikka Hao ang nagsulat kay Governor Eugenio Jose Lacson. Suno kay Hao, ang kasubong nga arrangement ang naga tuyo mag pabakod sang hospital service delivery sang probinsya labi na sa Sipalay City.
Ang initial concept suno kay Hao amo nga ang ground floor sang Merceditas J Montilla District Hospital maga hatag sang general hospital services para mas mapaayo ang access sa kinahanglanon nga medical care kag mabuligan decongest ang iban nga hospital facilities.
Ang second floor naman pahamtangan sang Psychiatric Unit para masabat ang mga kinahanglanon nga mental health services.
Suno kay Governor Lacson seryoso nila nga pagahatagan sang pagtamod ini.
[sibwp_form id=1]