Pagpatuman sang digitalization system ginalauman makapaiway sang fixer kag makapadasig sang transaksyon sa Office of the Building Official.
Sadto anay nagalawig sa sinemana asta na binulan tubtob nga mahuman sang mga applicants ang ila registration para sa building permit kag occupancy permit sa Office of the Building Official.
Pero karon nga ginapatuman na ang digitalization sa mga transaction ginsiling ni Engr. Isidro Sun, nga kun kumpleto lang man sa mga requirements pwede makuha sang mga aplikante ang rehistro sa sulod sang duha ka adlaw.
Ang digitalization program kabahin sa prayoridad ni Mayor Albee Benitez sa tuyo nga mapaiway ang fixer kag korapsyon.
Target man sang OBO nga pinaagi sa bulig sang Management Information Technology Services mapasaka ang collection efficiency sang opisina kag malab-ot ang P60M nga collection halin sa building permit kag occupancy permit.