May nubentay uno porsyiento na nga nabalik ang supply sang kuryente sa northern Negros matapos ang bagyo.
Sandig sa record sang Northern Negros Electric Cooperative ukon NONECO halos nabalik na ang power supply sa mga banwa kag siudad sa northern Negros.
Suno kay NONECO general manager Atty. Dan Pondevilla, 20 sa beinte dos ka mga feeders nga na energize na.
Pero may barangay pa sa siudad sang San Carlos kag banwa sang calatrava ang wala pa sang power supply.
Ginatinguhaan man sang Central Negros Electric Cooperative nga ma amat amat balik ang supply sang kuryente bisan madamo pa sa mga dalan sa mga kabarangayan ang indi maagyan
Bangud sang mga natumba nga puno sang kahoy nga wala ma mautod kag mahimos.
Malapit na sa otsenta porsyiento ang na-energize sang CENECO.
Ginalauman sang pamunuan sang CENECO nga matapos ang pagbalik sang supply sang kuryente sa sulod sang duha pa ka adlaw agud man mabuligan ang Negros Occidental Electric Cooperative nga mabalik ang supply sang kuryente sa southern Negros.
Ang mga primary lines pa lamang sang banwa sang Pulupandan, Valladolid, Pontevedra kag portion sang Hinigaran ang na-energize.
Ang mga lugar sa southern kag central Negros amo ang labi nga nahalitan sa pagwaswas ni Bagyo Odette.