Contractor ang naghinyo sang 30 diyas agud to liwat nga maka submit sang proposal sa pagpatukod sang Provincial Capitol sa ginaduso nga site sa Talisay City.
Suno kay Provincial Administrator Rayfrando Diaz isa ka pagsinapol ang ginpatigayon sang nagligad nga semana. Ang contractor ang naghinyo sang extension. Suno kay Diaz mahimo natungod sa mga adjustment man nga himuon agudto mag santo man ang disenyo sa landscape sa bag-o nga site ilabi na nga malapad ang duta sa Talisay City.
Ginapaabot nga diri isaylo ang mga talatapan sang gobyerno probinsyal.
900 million pesos ang budget sa pag-develop kuntani sang provincial administration center sa dalan Aguinaldo sa Bacolod City, antes pa man ginduso ang pagsaylo sang seat of power sa Talisay City.
Amo sa gihapon nga budget ang paga gamiton. Suno kay Diaz plano nga maga pabilin ang edipisyo sang kapitolyo probinsyal sa Bacolod kasubong man ang mga talatapan nga yara diri.
Sarang ini sa gihapon nga patigayunan sang mga formal functions kag mag baton sang diplomatic guests.
Design and build ang kontrata kag padayon pa ang pag finalize sang plano.