Construction sang Legislative Building ginsuguran na.
Ang edipisyo ang kabahin na sang pagpanghanda para sa pagtunga sang siudad sa duha ka distrito.
Sa groundbreaking ceremony gin-anunsyo ni Mayor Albee Benitez nga antes pa man magsugod ang 2025 local elections mahuman na ang 3-storey Legislative Building sa likod sang Bacolod City Government Center.
Sa Legislative Building ipahamtang ang mga opisina sang katapo sang konseho, ang DSSD, OBO, BHA kag iban pa nga departamento.
Ang P525M nga legislative building kabahin na sa pagpanghanda para sa ginalauman nga redistricting ukon pagtunga sang siudad sa duha ka distrito.
Gani naka-disenyo diri ang 22 ka mga columns nga naga simbolo sang 22 ka mga local officials.
Suno sa alkalde, himuon nga pattern ang disensyo sa iban pa nga mga government facilities nga natalana itukod sa madasun nga tuig.