COMELEC Commissioner George Erwin Garcia ang ginapaabot bwas nga adlaw sa Negros Occidental angut sa Memorandum of Agreement nga paga lagdaan upod sa Office of the Civil Defense nga iga tiglawas ni USec Ariel Napomuceno.
Wala labot sini personal man nga bisitahan sang Commissioner ang mga alternative voting centers.
Sa media advisory nga ginpagwa sang COMELEC maga lagda sang MOA ang COMELEC kag OCD sa pag establish sang partnership nga naga tuyo sa pag pabakod sang disaster risk reduction and management efforts angut sa pag patuman sang election.
Ang proposed cooperation naga lakip sang planning sang emergency exits para sa polling precincts, kun sa diin gina lantaw ang mahimo pagtugot sa COMELEC sa pag deputize sang OCD sa pag enhance sang safety sa tion sang disaster.
Ini ang maga tugot sang early voting para sa mga disaster personnel, pag set-up sang incident command post sa tion sang election kag iban pa nga posible collaboration.
Suno kay Atty Ian Lee Ananoria, ang Provincial Elections Supervisor sang Negros Occidental, magluwas sa pag lagda sang MOA, personal man nga bisitahon ni Garcia ang mga eskwelahan sa La Carlota City nga maga serbe nga alternative voting centers.
Ang mga banwa kag siudad nga apektado sang Bulkan Kanlaon sa Alert Level 3 man ukon Alert Level 4 kag may na-identify nga mga alternative voting centers ang sakop sa MOA suno kay Ananoria.
Indi lang basta-basta nga makasaylo sang polling center, ang en banc ang naga approve sang alternative voting centers.
Tigayon nga may gin-identify nga mga alternative polling centers sa tuyo nga matigayon gid ang eleksyon apesar sang sitwasyon nga gintuga sang bulkan Kanlaon.
Sa contingency report sang COMELEC damlag pa, may 12,479 ka mga botante ang gina project ma apektuhan sa idalom sang alert level 3.
[sibwp_form id=1]