Digicast Negros

Comelec Operation Baklas magapadayon

Bangud holiday sang nagligad nga Biyernes wala makapangakas sang illegal campaign materials ang katapo sang Task Force Baklas sa Bacolod.

Suno kay Atty. Revo Sorbito , acting election officer sang Comelec-Bacolod, balik sila sa naandan nga operation karon nga semana bisan may scheduled nga training kag seminar ang katapo sang Comelec para sa mga Electoral Board.

Mga oversized campaign materials nga natapik sa mga poste, kahoy kag pampubliko nga lugar ang gina-una nga ginapangkakas sang katapo sang Task Force Baklas.

Pero nagpadala na sang notices ang Comelec sa mga campaign headquarters sang mga national candidates nga nagapanag-iya sang billboard, ilabi na sa bahin sang dalan lacson, agud to makakas ang mga ini.

Ginsiling ni Sorbito nga paglapas ini sa Fair Elections Act 2 by 3 feet lamang ang kadakuon sang poster nga ginapahanugutan sandig sa layi.

Kada Biyernes naga-usoy ang katapo sang task force baklas sa pila ka mga dalanon sa Bacolod para mangakas sang illegal campaign materials mga lugar nga wala sa designated common poster areas nga gintalana sang Commission on Elections.

Exit mobile version
Skip to toolbar