Commission on Clections ang naga abiso nga dapat kumpleto ang detalye nga gina input sa online precinct finder.
Ini ang paathag ni Negros Occidental acting elections supervisor, Roberto Salazar, sa tunga sang feedback nga ila nabaton nga may yara sang resulta nga “no record” ukon “not found” sa ila nga pag log-in.
Suno kay Atty. Salazar may tion gid man nga nag down ang server.
Pero kun kumpleto kag eksakto man lamang ang datus nga na input mahimo nga wala gid man na rehistro ang natungdan nga persona, ukon nadula na sa listahan bangud sang kapaslawan nga makaboto sang duha ka sunod-sunod nga piniliay.
Sarang nga mag pakig-angut sa local Comelec office ukon sa listahan sang registered voters nga nahatag sa tagsa ka barangay suno kay Salazar para mapat-od nga ang natungdan kun isa gid man ka registered voter.