Nagbalik na sa tagsa nila ka original nga assignment ang mga election officers sa probinsya. Sa karon gina handaan na ang registration of voters nga maga sugod sa Lunes.
Suno kay Bacolod Elections Officer Kathrina Trinio Cana, ila nga gina lauman base sa kinaandan ang pag dagsa sang mga maga pa rehistro labi na nga may yara sang transition sa panghimanwa.
Naga abiso ang Comelec nga kuntani sa mas temprano pa mag padulong na sa talatapan sang Comelec kag indi na paghulaton ang mga ulihi nga mga inadlaw sang registration kag mag pila.
July 4 tubtob 23 ang registration para sa SK kag regular nga mga botante.
Pahanumdom sang Comelec dapat mag dala sang ID kag birth certificate naman sa mga maga pa rehistro sa SK kasubong man sa manug 18 kag 18 anyos.
Sa karon ginahandaan sang Comelec ang logistics. May plano man nga mag patigayon sang satellite registration pero ini ang iga schedule pa.
May exclusive satellite registration man para sa mga senior citizen, PWD kag pamatan-on.