Masobra sa 25 million pesos ang ginsaka sang collection sang Real Property Tax sa Bacolod City sa una nga quarter sang sini nga tuig kon ikumpara sang tinalikdan nga tuig.
Ginsiling ni Bacolod Mayor Greg Gasataya nga nagdangat sa 354.6 million pesos ang kabilugan nga tax nga nakolekta sang siudad humalin Enero tubtob Abril 2026. Ini ang mas mataas kon ikumpara sa 329.4 million pesos nga RPT collection sa amo man nga mga binulan sang 2025.
Suno sa alklade, ini ang resulta sang nagapadayon nga information drive kag tax mapping sang City Treasurer kag sang Land Tax Division.
Ginpanginbulahan man sini ang mga empleyado sang amo nga mga departamento bangud sa ila padayon nga pagpahibalo kag kampanya sa publiko angut sa real property tax.
Sandig sa rekord sang City Assessor’s Office, kapin sa isa ka bilyon ka pesos ang kabug-usan nga RPT nga nakolekta sang siudad sang 2025.*
[sibwp_form id=1]