Nagpadala na sang sulat si Mayor Neil Lizares sa contractor nga si jerry sy nga untatan anay ang clearing nga ginahimo nila sa Sitio Campuestohan sa Barangay Cabatangan sa Talisay City.
Ini matapos ginkwestyon sang grupo ni Rhoderick Samonte nga isa ka advocate for environmental protection ang nagakatabo nga pagpang hawan sa lugar.
Suno kay City Administrator Atty. Jonathan Ealdama, wala sang kahilabtanan ang LGU sa pag hatag sang Special Use Agreement in Protected Areas ukon SAPA sang DENR sa mga pribado nga indibidwal pero bangud natabo ang reklamo sa ila nga siudad nag himo sila sang tikang.
Kaina may inisyal na nga meeting sa tunga sang Community Environment and Natural Resources Office kag LGU sang Talisay. Suno kay Gerangaya may nakita sila nga bayolasyon sa natabo.
Ang area nga may clearing nga gina himo indi kabahin sang lugar nga gin applyan sang sapa ni Sy.
Sa madason nga semana isa ka pag sinapul ang gin schedule sa tunga sang LGU, contractor kag sang CENRO. Para matagaan sang tsansa ang tanan nga maka paathag sang ila nga bahin.
Damlag pa nag saka sa lugar ang grupo ni samonte kag ila nadiskubrehan nga may naga padayon nga clearing. Iya gina kwestyon kun paano ini natabo kay ang lugar kabahin sang Northern Negros
Natural Park nga isa ka protected area.