Dugang nga mga flights ang ginapaabot sa bulan sang Marso.
Suno kay Provincial Administrator Rayfrando Diaz, naka sugilanon na ang probinsya sa mga airline companies bahin sa pagpatuman sang dugang nga mga flights.
Tatlo ka flights sa kada adlaw para sa Manila-Bacolod-Manila trips ang ipatuman sang Philippine Airlines kag Cebu Pacific Air sumugod sa Marso uno.
Sa karon tig duha ka flights sa kada adlaw ang ginapatuman sang kada airline company subong. Ang Air Asia naman suno kay Diaz maga pabilin sa duha ka flights sa kada adlaw. Para sa Cebu-Bacolod-Cebu naman, may apat ka flights ang Cebu Pacific Air sa kada semana kag tatlo naman sa PAL.
Gina lauman nga tayuyon ang pag nubo sang kaso sang Covid – 19 sa Negros occidental agudto amat-amat naman ang pagbalik sa normal sang tanan. 19 ang new cases sa February 22 nga report sang Provincial Incident Management Team kag nanaog naman sa 644 ang active cases.
Sa pinaka ulihi nga report, 31 na lamang ang yara sa Covid designated hospital sa Cadiz City.