Required na ang mga Negrense nga mag pakita sang negative result sang RT-PCR test kun magsulod sa probinsya sang Cebu.
Ang mga gikan sa Negros Occidental, Negros Oriental kag Bohol ang required na nga magpakita sang negative result sang RT-PCR test with in 72 hours antes maka sulod sa probinsya sang Cebu.
Ini base sa bag-o nga executive order ni Cebu Governor Gwen Garcia.
Pwede man ang negative result nga kuha sang anti gen result pero dapat with 48 hours pa lang ang resulta sang test antes sang biyahe pa Cebu.
Ang DOH ang mangin responsable sa pag patigayon sang rapid antigen test sa tanan nga ports of origin sang mga naga biyahe padulong sa Cebu.
Ginkasugtan sang gobernador ang ini nga tikang kaupod ang nagkalain lain nga tiglawas sang ahensya sang gobyerno para mapangapinan man ang mga residente sang Cebu.