Mga empleyado lakip na consultant sa siudad sang Cadiz ang gina require nga mag pabakuna.
Ini sandig sa gin papanaog nga memorandum order ni Mayor Salvador Escalante Jr, sa pagpasiguro sang health and safety sang mga ginaserbehan sang siudad kasubong man sa mga kaupod nga nagatrabaho sa gobyerno.
Gani suno sa alkalde ang mga natungdan ang dapat nga mag submit sang ila nga vaccination cards ukon certificates sa ila tagsa ka department head sa Lunes, Nobyembre 29.
Dugang pa ni Escalante ang mga unvaccinated employees sumugod Disyembre uno ang maga submit sang negative RT PCR test result ukon negative Rapid Antigen test sa kada semana. Ang indi maka submit ang pagakabigon nga absent. Ang mga gikan naman sa national government agencies nga wala sang vaccine cards ang indi pagtugutan nga makasulod sa city hall.
Ginahaylo naman ni Bago City Mayor Nicholas Yulo ang mga empleyado nga mag pabakuna santo sa national IATF nga resolution sa pagpabakuna sang mga empleyado nga yara sa on-site.
Suno kay Yulo sa initial feedback wala man sang may mga reklamo nga nabaton sa amo nga polisa.
Sumugod December 15 ang wala pa maka pabakuna ang dapat mag submit sang negative RT PCR test result sa kada kinse diyas ang may kapaslawan sini ang pwede nga indi pagbatunon sa trabaho.
Padayon man ang kampanya sang Bago City sa publiko para sa bakuna kag wala pa man makasugod ang national vaccination days ini ang ila na nga ginsugdan.
“Ang kalabanan nga negative feedback sa amon nga Facebook page, sa CityBridge, are not employees. As far as employees are concerned daw wala pa man ko kabati nga may adverse reaction. There’s a big percentage of government employees, kapin pa ang mga regular employees, nga daku na nga percentage nga nabakunahan,” suno kay Yulo.