Mga tiglawas sang DPWH kag CAAP ang nagsapol kay Silay City Mayor Joedith Gallego may kaangtanan sa plano nga pag expand sang terminal sang Bacolod-Silay Airport.
Sa post ni Mayor Gallego upod sa nagsapol sa iya ang engineer sang Department of Public Works and Highways, tiglawas sang Civil Aviation Authority of the Philippines kag staff ni Third District Representative Javier Miguel Benitez.
Suno kay Gallego ila siya gin pahibalo angut sa ipatuman nga expansion sa terminal sang Bacolod-Silay Airport nga naga balor sang P400 million.
Yara man sa amo nga pag sapol suno kay Gallego si Councilor Lyndon Bernardo.
Damlag pa ginsiling ni Congressman Javi nga nalakip sa proposed 2027 budget ang pondo para sa expansion sang terminal sa airport.
Sa iya nga State of the District Address sang July ginsiling ni Bacolod Representative Alfredo Abelardo Benitez nga ang terminal upgrade ang maga increase sang pre-departure seating capacity gikan 500 padulong sa 1,480 passengers.
“Nagpabalo lang sila sa akon nga amo na may expansion ang terminal both sides, left and right, worth 400 million pesos. Terminal lang. Ang both sides lang”, suno kay Gallego.
[sibwp_form id=1]