Site icon Digicast Negros

Building sa may Capitol Shopping Centre nasunog, 10 ka mga ido napatay

Nagapalangurog pa ang amay nga si Noel Chu samtang gina tinguhaan sang mga bombero nga matapna ang kalayo sa third floor sang ila gina-istaran nga commercial building sa Tindalo Street sa Bacolod pasado las onse sang aga.

Pila sa iya mga himata ang gina-ulu-ulohan bangud nagahilibi-on sang mahibaluan nga napatay sa nagluntad nga sunog ang napulo sa dose nila ka mga hinuptanan nga ido.

Ang shitzu nga sanday Peachy kag Cotton amo lamang ang naluwas sang madasig nga ginlamon sang kalayo pati ang second floor sang nasunog nga building.

Sa pagpang-usisa sang Bureau Of Fire Protection nagsugod ang kalayo sa kwarto sang pamilya Chu. Electrical in nature ang ginapatihan kabangdanan sang sunog.

Ginabulubanta naglab-ot sa shien mil pesos ang halit nga natuga sang sunog.

Antes maghalin ang mga bombero nagpanugyan sila sa tag-iya sang building nga ipa-usisa ang linya sang kuryente agud masigurado nga mapaiway ang posible pagluntad sang sunog.

Skip to toolbar