Sa Lunes maga sugod pahamtang sang border checkpoints ang siudad sang Bago para sa baboy, pork kag pork products.
Suno kay Mayor Nicholas Yulo maga pahamtang sila sang border checkpoints sa Tabunan kag sa Taloc.
Ang ideal gid kuntani suno kay Yulo ila i-check ang mga salakyan isa-isa pero ini ang mangin mabudlay. Gani ang makita nga mga bukas ukon open nga salakyan ang iga check.
Maga monitor man sila sa mga markets nila para mapasiguro nga ang mga yara nga produkto ang gina tugutan lamang. Suno kay Yulo sila ang maga sunod sandig sa Executive Order nga gin pa gwa ni Governor Eugenio Jose Lacson.
Ang checkpoints ang iga man mismo sang personnel sang Bago. Suno kay Yulo madamo man sila sadto sang nagkalamatay nga baboy pero wala sila sang kaso sang African Swine Fever.
“Ang makita mo nga open, amo na usually ang I-flagdown naton. May gasulod gani kis-a iban nga imported gina tan-aw gid na kun diin naghalin. Kay there are areas where we can accept according to the directive of Governor Lacson. There are areas where we can receive”, suno kay Yulo.