Ginhimutig ni Board Member Andrew Montelibano nga may yara siya sang kahilabtan sa iligal nga e-sabong. Iya gina respeto ang PNP kag handa siya nga mag hatag sang iya nga kooperasyon sa otoridad.
Kun ginkabig man siya sang PNP nga person of interest, suno kay Montelibano, naga pati siya nga ini bangud gina panag-iyahan sang korporasyon, kun sa diin katapo man siya, ang propiedad sakop sang Hda Pilar sa Brgy Alicante sa EB Magalona, kun sa diin suno sa PNP may gina patigayon nga iligal nga e-sabong.
July 8 sang nag-operate ang PNP para magserbe sang warrant of arrest batuk sa kay Ronel Garde nga most wanted person.
Kag sang pagserbe sang warrant amo ang pag ka diskubre sang PNP sang iligal nga e-sabong.
Klaro ni Montelibano sang nagkit-anay sila sang PNP yara siya sa iya kaugalingon nga propiedad kag indi sa lugar kun sa diin may gina siling naga katabo nga iligal na e-sabong. Lapitanay ang duha ka mga lugar.
Dugang pa niya wala man siya nag obstruct sang justice. Iya gani gintugutan ang kapulisan sa pag sulod sa iya lugar bangud sa ila nga operation sa most wanted person nga indi niya man kilala.
Kun may sala man sila, suno kay Montelibano, ini ang pag pa renta sang ila nga korporasyon sang ila nga propiedad kay alyas Ricky.
Lipod na sa ila nga ihibalo ang gina siling illegal operation nga ginpatigayon. Balabag sa iya nga tutunlan ang iligal nga e-sabong kay ini mismo ang naga patay sa industriya suno kay Montelibano.
Sa pihak nga bahin na file sang PNP ang complaint batuk sa apat nga nadakpan sa gina-alegar iligal nga e-sabong sa Provincial Prosecutor’s Office via inquest.
Pero ini ang nangin regular nga filing. Gin-release na ang apat.
Ginpangayuan sang Fiscal sang dugang nga ebidensya ang PNP investigator para sa application sang cyber warrant para mabuksan nila ang equipment nga gin-confiscate.
[sibwp_form id=1]