Ginsiling ni Bacolod Environment and Natural Resources Head Atty. Allyn Luv Dignadice nga compliant ang International Solid Waste Integrated Management Specialist ukon ISWIMS sa mga patakaran sang siudad sa pagdumala sang sanitary landfill sa Barangay Felisa.
Ini matapos nga nagpasaka sang reklamo ang Punong Barangay sang Felisa may angut sa gina-alegar nga pag-usbong sang baho sang sanitary landfill.
Suno kay Dignadice, gin-pasabat nila ang ISWIMS sa reklamo kag gin-aksyonan na ini. Padayon ang pag spray sang ISWIMS sang deodorizer sa landfill adlaw-adlaw.
Ginapaagi man sa washing area ang tanan nga dump trucks nga nagagwa kag nagsulod sa landfill agud indi ini magbaho sa dalan.
Sandig sa imbestigasyon sang BENRO, natukiban nga nagabunok ang ulan sang ginreklamo sang Barangay ang baho sa landfill. Sa karun ginpasiguro na sang BENRO nga wala na sang baho sa lugar.
Martes sang aga, ginbisitahan man sang Bacolod City Health Office ang landfill agud i-verify ang nasambit nga reklamo.*
[sibwp_form id=1]