Mayor elect Albee Benitez ginaduso ang dugang nga pagkaayo kag pagpatahum sang mga merkado agud makabulig sa paghatag sang pwesto sa sidewalk vendors sa siudad.
Pang facelift lang ang P150 million nga pondo para sa pagkaayo sang Burgos, Libertad kag Central Market sa Bacolod para kay mayor-elect Albee Benitez.
Gani ginaduso niya nga ma repurpose ang pag gamit sang P800 million nga loan para sa pagtukod sang coliseum agud may magamit nga dugang nga pondo para mapakaayo kag mapatahum pa ang mga merkado sang siudad.
Nagapati man siya nga pinaagi diri makahatag pa gid sila sang pwesto sa mga sidewalk vendors para indi na sila mag pwesto sa dalan.
Ang pagrehabilitate sang mga merkado ang kabahin sang 8-point agenda sang elected mayor upod sa katapo sang Asenso Bacolod.
Nalakip man diri ang pagkaayo kag paghimus sang mga “spaghetti wires” ukon mga nagalaylay kag nagalambod nga linya sang kable nga amat amat na nga ginasuguran panghipid sang mga lineman sang mga telecommunications company sa siudad.