Spokesperson sang Bacolod City PNP nagapati nga dako ang bentaha sang pag-isa sang opisina sang Bacolod Traffic Authority Office kag Traffic Management Unit ilabi na sa pagpaiway sang kriminalidad sa siudad.
Luyag ni Mayor-elect Albee Benitez nga maghinyo sang bulig sa private sector agud mapabaskog ang mga polisa kag stratehiya sa paglubad sang problema sa trapiko sa siudad.
Gusto niya balikan ang posibilidad nga mapaidalom sa pagpamuno sang PNP ang BTAO kag TMU.
Para kay BCPO Spokesperson Police Lt Col Sherlock Gabana, dako nga bentaha ang pag-isa sang BTAO kag TMU agud man mapasanyug ang sistema sa trapiko kag mabuligan ang kapulisan sa pagpaiway sang nagaluntad nga kriminalidad sa mga dalanon.
Ginduso na sadto ni Councilor Dindo Ramos sa konseho ang pag-isa sang TMU kag BTAO agud mangin dululungan ang pagpatuman sang traffic rules sa Bacolod.