Agud nga mas mapabaskog pa ang layi nga nagahatag proteksyon sa mga kababayen-an, gin aprobahan sang konseho sang siudad ang Bawal Bastos Ordinance.
Sa ordinansa nga ginduso ni Councilor Celia Flor napatpat ang mga pina kag multa angut sa ginadumilian nga catcalling ukon pagpanihol, taunting kag iban pa nga sarang makatuga sang discomfort sa mga biktima nga kababayen-an sa mga pampubliko nga lugar.
Ginapaabot sang chairperson sang Committe on Women, Gender, Family and Childcare sang konseho nga sa sini nga paagi mapahagan-hagan ang kaso sang violence against women and children.
Samtang, aprobado naman sang konseho ang pagpatigayon sang Bacolod Music Festival sa Abril.
Ang Music Fest nga kaangay sang mga bantug nga festival sa abroad ang ginalauman makapasanyog sang turismo paagi sa pagkilala sang mga local artist kag pagpabaskog sang music industry sa siudad.