Nag tal-us nga pamuno sang Negros Occidental Police Provincial Office nagdeklarar sang all-out war kontra sa mga wanted person.
Opisyal na nga magapangalagad bilang bag-o nga NOCPPO Director si Police Colonel Rainerio De Chavez sa pagbiya naman ni Col. Leo Pamittan.
Sa ceremonial turn-over of command nga ginpangunahan ni Police Regional Office 6 Director, Police Brigadier General Jack Wanky, ginpabugal ni Pamittan ang masupog nga kampanya kontra iligal nga droga kag ang kampanya kontra sa insurgency sa probinsya.
Sa idalom sang pagpamuno ni Pamittan, nangin best performing police ang NOCPPO sang 2023.
Luyag ini nga padayunon ni De Chavez upod sa pagdeklarar sang all-out war batuk sa mga nagapabilin nga wanted person sa probinsya. Kabahin man sa iya tinutuyo ang mapangapinan ang dunang manggad kaupod sa mga nagkalain-lain nga organisasyon.
Ginsiling ni Governor Eugenio Jose Lacson nga iya napilian si De Chavez bangud ini ang “highly recommended” sang iya nga abyan kasubong man sang iya nga adviser on police matters.
Nagapaabot si Lacson nga mangin kasubong ka efficient ang bag-o nga PD sa nagligad nga duha ka PD sang probinsya. Taga Batangas si de Chavez suno kay Lacson kag ini ang nag gikan sa Headquarters antes sang iya bag-o nga assignment.