Nag patigayon sang caucus ang Sangguniang Panlalawigan sang Martes.
Ini suno kay Vice Governor Jose Benito Alonso nga nagsiling man nga sa July 8 maga patigayon ang SP sang inaugural session.
Nalakip sa mga first time board members amo sanday Marxlen dela Cruz sang First District, Arthur Christopher Maranon sang Second District, Atty Hope Marey Depasucat sang Third District, Paula Alonso sang Fourth District, Hadji Trojillo sang Fifth District kag Genaro “Ralph” Alvarez sang Sixth District.
Ginapaabot maga deliver sang iya una nga State of the Province Address si Governor Eugenio Jose Lacson sa inaugural session sang SP.
Gina paabot man ang approval sang committee chairmanship sa inaugural session.
Sandig sa caucus nga gin patigayon, gintalana na ang mga chairmanship para sa nagkalain-lain nga mga committees.
Si Board Member dela Cruz ang gina paabot maga pamuno sa Committee on Budget and Finance, ang komitiba nga gina siling “powerful” committee.
“Tan-aw lang na nga powerful siguro, isa sa mga masako nga komitiba. Gin pamangkot ko kun pwede ako, siling ko pwede ako bisan ano nga komitiba i-assign. I’m just making myself available, indi man ta kapili kun ano ang ipaslak sa aton”, suno kay dela Cruz.