Ginbuksan na sang Victorias City LGU ang nahauna nga 11-a-side Victorias City Football Pitch sa Victorias National High School.
Ini ang FIFA grade certified nga makabig nahauna sa Western Visayas.
Ginsiling ni Mayor Javier Miguel Benitez nga ang bag-o nga pitch ang mangin home sang Loyola FC -Victorias national team.
Ang bag-o nga pasilidad ang magahatag kahigayunan sa mga local athletes para mas mahanas sa hinampang ilabi na para sa nagahilapit nga football matches dungan sa pagsaulog sang 27th Kadalag-an Festival.
Ginapaabot sang management sang Loyola FC – Victorias nga sa madasun nga mga national football competition madala sang Philippine Football Federation ang hinampang sa Victorias.
Ang inauguration ceremony ang gin-updan sang model actor kag football enthusiast nga si Daniel Matsunaga, pamunuan sang PFF, Negros Occidental Regional Football Association kag Victorias City Schools Division Office.