Sa ginpagwa nga statament, ginklaro na ni Mayor Evelio Leonardia nga wala sang igapatuman nga lockdown kadungan sang mas hugot nga pagpatuman sang travel restrictions kag border control para mapunggan ang nagakasa nga Covid-19 cases.
Humalin sang nagligad nga inadlaw nagalab-ot sa trenta ang new Covid-19 cases sa Bacolod.
Kahapon naglab-ot ini sa singkwenta ang dugang nga mga kaso sang nalatnan sang virus.
Suno kay Dr. Edwin Miraflor, officer in-charge sang City Health Office, malisyoso ang nagalapta nga huring-huring angut sa lockdown bangud indi man ini ginakinahanglan ilabi na nga nagapabilin sa alert level 2 ang siudad.
“Chances are nga nagasaka ang cases pwede guro granular lockdown pero not necessarily nga i-lockdown ang kabilugan. I dont know kun diin halin ang reports but its malicious considering that bacolod is still under alert level 2,” suno kay Miraflor
Ginsugdan naman sang Emergency Operations Center ang rapid antigen test bisan sa mga pasahero nga gikan sa Caticlan, Aklan.
Gina-require naman ang negative RT-PCR test sa mga pasahero nga gikan sa mga lugar nga napaidalom sa alert level 3 bisan pa mga fully vaccinated.
Gina-require naman ang mga pasahero nga magsubmit sang requirement sa S-PaSS.
Wala man sang pasahero nga nangin reactive sa swab test nga ginpatuman humalin sang weekend.
Samtang, na-discharge na sa hotel isolation sang Sabado, ang 38 anyos nga returning overseas Filipino nga naka-recover na sang malatnan sang Omicron variant.
Upod niya nga nakapauli ang iya misis nga call center agent nga nag-negatibo naman sa virus.