Siudad sang Bacolod ang naka record sng 16 ka bag-o nga kaso sang Covid-19 kahapon, Disyembre 29. Pito naman ang new cases nga na record sang Negros Occidental.
Damlag pa nag pahayag na sang iya nga kabalaka si Vice Mayor El Cid Familiaran kasunod sang na record nga 16 ka bag-o nga Covid-19 cases. Ginsulit niya ang panawagan sa mga kabarangayan sang pag pabaskog sa monitoring kag pagpatuman sang minimum health protocol.
Si Negros Occidental Governor Eugenio Jose Lacson naman, nag panawagan nga sa tunga sang pag saulog sang bag-ong tuig, kinahanglan ang kooperasyon sang tanan.
Dapat ang mga Negrense indi mag kalipat nga yara sa gihapon ang virus rason nga indi mag kumpiansa kag magpadayon sa pag gamit sang face mask kag magsunod sa physical distancing kag iban pa nga health protocol.
Namutikan na ang pagsaka sang kaso sang Covid-19 sa National Capital Region. Damlag pa, nag pa andam man ang presidente sang Philippine College of Physicians – Negros Occidental Chapter, nga si Dr Ronel Sario, sang liwat nga pag timbook sang kaso sang Covid – 19 sa tunga sang nakit-an nga indi pagsunod sa health protocols sini nga holidays.
“Let us be cognizant that Covid-19 is very present. The omicron variant has increased here in the Philippines and just observing what is happening in other countries it is also causing them a problem. Let’s continue to be vigilant. Let’s continue to protect ourselves,” suno kay Lacson.