Ginpaathag ni Bacolod City Mayor Greg Gasataya nga yara na sa desisyon sang Department of Education kag sang tagsa ka mga eskwelahan kun mag-deklara sila sang cancelation of classes bangud sa mainit nga panahon.
Subong nga adlaw, yara sa 41 degrees celsius ang heat index sa Negros Occidental nga gintunaan sang pagkansela sang klase sa pila ka mga LGUs apang suno kay Gasataya may bag-o nga memorandum ang DepEd kun sa diin ang tagsa ka school heads na mismo ang makadesisyon kun pakadtoon pa sa eskwelahan ang mga estudyante, rason nga wala nag anunsyo ang LGU.
Dugang niya, ang pagkansela sang face-to-face classes ang nagadepende man sa sitwasyon sang tagsa ka eskwelahan bangud mabugnaw man ang classrooms sa iban nga eskwelahan samtang may iban man nga tuman ka init.
Apisar sini, kalabanan sang mga public schools sa Bacolod City ang nag suspend naman sang klase subong nga adlaw.
Magapakigsapol man si Gasataya sa mga department heads agud makuha ang ila mga suhestyon ka rekomendasyon may angut sa posible nga buhaton sa set-up sang obra sa BCGC sa tion nga mainit ang panahon.
[sibwp_form id=1]