Bacolod EOC nagpamalibad nga magbaton sang gin-donate nga manug expire nga bakuna.
Bisan madiutay na lang ang nagapabakuna sa mga vaccination center, natigayon nga napaubos sang Bacolod Emergency Operation Center ang beinte mil ka mg Covid-19 vaccines nga manug expire kuntani sini nga bulan sang Abril.
Pero suno kay Dr. Edwin Miraflor, OIC sang City Health Office, may pila pa ka mga organisasyon nga luyag kuntani mag donate sang bakuna.
Pero nadesisyonan niya nga indi na lang anay pagbatunon ilabi na nga manug expire na sa madasun nga sinemana ang mga iga-donate nga bakuna.
Linibo pa nga supply sang vaccines sa cold storage facility sang siudad ang maga expire naman sa madasun nga binulan.
Ginakalipay sang opisyal sang EOC nga tubtob karon wala sang nausik nga bakuna sa Bacolod.