Ginkumpirmar ni Bacolod City Veterinarian Dr. Agueda dela Torre nga may apat na ka baboy sa siudad ang nagpositibo sa African Swine Fever.
Ila ginkwaan sample ang duha ka buhi nga baboy sa Barangay Alijis kag duha man sa Barangay Taculing kag nagpositibo ini sa ASF.
Suno kay dela Torre, maga conduct ang siudad sang random testing sa slaughterhouse agud masiguro nga wala malatnan sang ASF ang mga gina-ihaw nga baboy kag ginabaligya sa publiko.
Panawagan naman niya sa barangay nga mag-report gilayon sa City Veterinary Office kon may mga suspected nga kaso sang ASF sa ila nga nasakpan.
Dugang naman ni Assistant City Veterinarian Dr. Janine Sarthou, nga bwas nga adlaw ila na sirad-an ang area sang mga backyard hog raisers nga nagpositibo sa amo nga masakit sa baboy.
Posible nga nag-mutate na ang masakit suno sa iya, bangud ang mga sintomas sang una sang ASF ang wala na makita sa karun sa mga baboy nga nagpositibo.
Magapatuman man sang random sampling ang CVO sa mga backyard hog raisers agud masiguro nga wala malatnan sang masakit ang mga baboy nga ila ginasagod.
Wala man sang epekto sa ikaayong lawas kon makakaon sang isa ka persona sang baboy nga nagpositibo sa ASF, apang posibli sini nga malatnan ang mga baboy nga iya mapalapitan.
Bangud sini, natalana nga pabaskogon sang ASF task force ang pagbantay sang pag-gwa sulod sang produkto sang baboy.
[sibwp_form id=1]