Ginpang isa-isa sang Disaster Risk Reduction and Management Office ukon DRRMO assessment team ang pag inspeksyon sa Bacolod City Government Center matapos ang linog sang kagab-i.
Gin inspection man ang nagkalain-lain nga government buildings kag pasilidad sang siudad agud masiguro kun may yara sang mga damages ukon peligroso sa publiko.
Suno kay Bacolod City Mayor Greg Gasataya nga safe kag pwede na liwat gamiton ang Bacolod City Government Center matapos ang inspection.
Suno sa alkalde gin-deklarar sang DRRMO nga safe ang building para sa operasyon kag pagsulod sang mga empleyado kag publiko.
Ginpasalig man ni Gasataya nga magapadayon ang monitoring kag pag-inspeksyon sa iban pa nga mga pasilidad sa siudad.