Digicast Negros

Asbestos roofing nga sa Burgos ginahimus na kag ilubong sa Brgy. Handumanan nga layo sa mga pamalay

Matapos nga gintawag ang atensyon sang contractor sang Burgos Market Rehabilitation Project, ginhimus na kag ginsulod sa mga sako ang mga nagkalabuka nga asbestos roofing nga makit an sa sulod sang merkado.

Suno kay City Engineers Officer Engr. Allan Agbones, iga butang sa vault kag ihaboy sa Barangay Handumanan ang asbestos nga ginakabig hazardous material.

Ginpahandumduman man nila ang contractor nga magtalana sang safety officer nga maga pasiguro para sa proper handling kag disposal sang ginpag islan nga asbestos roofing sa ginakaayo nga Burgos Market.

Nagligad lang nga semana sang nakalab ot sa atensyon ni mayor elect Albee Benitez ang wala sapayan nga pag dispose sang hazardous material sa merkado.

Gani nanawagan siya nga mahimus kag mapatuman sang ensakto ang paghaboy sang hazardous material nga peligroso sa ikaayong lawas.

Ang pagtalana sang dugang nga pondo sa pagkaayo sang mga merkado ang ginatuyo man sang iya administrasyon agud mapangapinan ang ikaayong lawas sang mga bumalakal kag mismo mga vendors.

Exit mobile version
Skip to toolbar