Digicast Negros

Army: Napatay nga gina alegar katapo sang NPA nagdangat na sa 10

303rd IB photo

May duha pa ka dugang nga napatay sa nag luntad nga enkwentro sang Lunes sa tunga sang army kag PNP batuk sa mga katapo sang New People’s Army sa Barangay Trinidad sa Guihulngan City sa Negros Oriental sang Lunes, ini ang gin kumpirma ni Major Cenon Pancito, public affairs office chief sang 3rd Infantry Division.

Suno kay Pancito, ang duha ka napatay ang mahimo nasamaran sa pag bayluhanay sang lupok sang Lunes kag nag tinghua pa nga magpalagyo pero sila ang gin bawian man sang kabuhi.

Mahimo suno kay Pancito nga gikan man sa ila ang pila sa 11 ka high powered firearms nga na recover sang army.

Magluwas sa duha ka bangkay, may duha man ka na capture ang army nga mga gina alegar miyembro sang NPA kun sa diin isa sa ila ang pilason.

Naabtan suno kay Pancito sang tropa nga nagapanago ang duha bangud sa gina bulong sang gin aresto nga si Julio Rabot ang iya upod nga pilason nga si Jojo Sanico.

Padayon pa sa gihapon suno sa kay Pancito ang ila pag lagas sa mga nakapalagyo nga mga rebelde.

Exit mobile version
Skip to toolbar